Abort

    Skont il-liġi Maltija attwali, it-tarbija mhix imwielda hija protetta mill-abort mill-mument tal-konċepiment sat-twelid.

    1. Il-Partit ser jipproponi jew jappoġġja xi bidliet fil-liġi Maltija li biha jdaħħal l- abort f’ pajjiżna fil-leġislatura li jmiss?

    Aħna, Aħwa Maltin 100% kontra l-abort. L-uniċi bidliet li nixtiequ nipproponu huma dawn:- * Sentenza ta’ ħabs għal nisa li jagħmlu abort tat-tfal kemm f’Malta kif ukoll barra minn Malta, inkluż ġenituri li jikkonvinċu lil minuri jagħmlu abort. * Meta mara tagħmel kuntatt ma’ klinika għall-abort, għandu jkun hemm sistema biex tgħin lil dawn in-nisa kemm soċjalment kif ukoll finanzjarjament sabiex iżommu lit-tarbija tagħhom. Jekk wara t-twelid it-tarbija xorta ma tkunx mixtieqa, tista’ tingħata għall-adozzjoni. Hemm mijiet ta’ koppji li jixtiequ jadottaw tfal.

    Ewtanasja Volontarja Assistita (EVA)

    Wara d-diskussjoni nazzjonali dwar l-Ewtanasja Volontarja Assistita, il-Life Network Foundation qiegħda titlob ukoll:

    2. Il-Partit ser jipproponi jew jappoġġja xi bidliet fil-liġi biex idahhal l-Ewtanasja Volontarja Assistita fil-leġislatura li jmiss?

    Aħna aħwa Maltin 100% kontra l-ewtanasja. L-uniċi bidliet li nixtiequ nipproponu huma dawn:- * Bħala Kattoliċi Rumani nemmnu li huwa Alla l-Omnipotenti li jagħti u jieħu l-ħajja. Il-partiti politiċi ewlenin tagħna flimkien ma’ numru ta’ NGOs liberali u partiti żgħar oħra qed jiddiskutu kif din tiġi legalizzata. Minħabba li din mhix kwistjoni faċli biex wieħed jaċċettaha, għandu jsir referendum biex il-poplu jiddeċiedi. M’hemmx għalfejn ngħidu li l-propaganda favur se tkun ferm akbar mill-verità, hekk kif il-gideb kollu jkun iffinanzjat mill-UE. Aħna qed nipproponu li persuni li jkunu qed ibatu jingħataw l-aqwa kura medika biex tittaffa l-uġigħ. Dan mhux dejjem possibbli, speċjalment f’każijiet relatati mal-kanċer, fejn l-aħħar jiem jistgħu jkunu l-agħar, iżda nemmnu bis-sħiħ li kull persuna għandha d-dritt għall-ħajja. * Għal persuni li jixtiequ itemmu ħajjithom, nipproponu li jitwaqqaf tim ta’ professjonisti li jkunu magħhom għal numru ta’ sigħat kuljum bħala ħbieb u gwida. Dan jgħin biex jittaffa l-uġigħ u s-solitudni.

    Go Back to HOME